You are here

Apolima-uta Village Fisheries Management Plan_2003

O le afioaga o Apolima Uta e i le itu i matu i sisifo o le motu o Upolu. O lona faitauaofai e tusa ma le 500, eaofia ai matai, tina ma tamaitai, aumaga ma tamaiti. O lenei aofaiga e le o faitaulia ia i latou ua faimalaga atui atunuu i fafo ma aumau ai i Niusila, Ausetalia, Amerika ma isi atunuu.

O Apolima Uta e i ai lona aau e mai lava i le itu i Sasae seia paia le itu i Sisifo. O lona mamao pea ma le 1/2 maila. O le umi o le aau pea ma le 500 mita mai le matafaga. O le vaega pito i loloto o le aloalo e tusa ma le 5 mita i taimi e sua ai le tai ae ½ mita nisi o vaega

o le gataifale, a o nisi vaega e ali atoa le alititai pe a oo ina pe le tai.

O lenei afioaga e mamalu tele ona pulega aua e pulea lelei e Alii ma Faipule o le afioaga. O aumaga e lava saunia i taimi uma aua le tautuaina o matai, o tina latou te avatua fautuaga lelei mo ni mataupu tau lotoifale o le afioaga.

E iai tulafono a le afioaga nei sa faatulagaina mai i aso ua mavae e faasaina ai faigafaiva le talafeagai e pei o fanai'a, ava niukini, vailaau oona, ma lama moliuila, aemaise tama tane o le afioaga e maulu i lo matou gataifale. O lea ua autasi ai le Komiti ma le afioaga

ina ia fausia ni tulafono faa-le-nuu e fesootai ma le siosiomaga o le gataifale aua lava le puipuia o taumafaiga mo le faasaoina o le gataifale.

E tele ituaiga faigafaiva e mafai ona faatinoina i le aloalo o le afioaga o Apolima Uta. O nisi o nei ituaiga faigafaiva e iai matatao, uaua malau (toso), ma le faaaogaina o upega mo le fofoga taumafa o le aiga, pe faatau foi. O le aoina ma le eliina o figota i luga o le aau o le galuega patino lava lea a tina ma le fanau mo taumafa a le aiga.

O le tele o i'a sa maua i aso ua mavae ua faigata ona maua i aso nei. O i'a o le aloalo e iai lo, tuuu, gatala, poge/alogo, anae ma mataeleele sa tele ma faigofie ona maua i le 40 tausaga talu ai. O figota e i ai le sisi, faisua ma sea/loli/fugafuga/mamao sa tele i aso ua mavae, peitai i le taimi nei, ua pau maualalo lo latou faitau aofai, o nisi taimi ua le maua ma e tele ni itula e faaaluina i fagotaga, faatoa maua mai, faatusatusa i le 40 tausaga ua mavae.

O le autu sa faatalatalanoaina ma malilie autasi ai i taimi o faatalatalanoaga i vaega taitasi o le afioaga o Apolima Uta:

1. Ina ia puipuia le siosiomaga o le gataifale, ma

2. Toe faatupulaia o i'a ma figota mo tupulaga o le lumanai

Category: