O le autu lenei sa faatalatalanoaina ma malilieautasi i ai vaega uma o le afioaga o SALEILUA:
Ia vaaia lelei ma pulea tatau le siosiomaga o le gataifale ;
Toe faatupulaia punaoa ma tamaoaiga o le gataifale mo tupulaga i le lumanai.
Puipuia ma faasaoina togatogo ma ona tamaoaiga
O le afioaga o SALEILUA e i le itu i Saute o le motu o Upolu, ma o se tasi o afioaga o le Itumalo o Falealili. E matagofie ona laufanua ma lona atufalega faapea foi le talafatai ole gataifale.
O le afioaga o SALEILUA e tu matafaga ma e gatasi maualalo lona laufanua. O lenei afioaga e iai lona a'au pe a ma le 300 mita le umi. O le mamao o le a'au mai le matafaga pe tusa ma le 800 mita. O le vaega e aupito sili ona loloto o le aloalo pe a pe eleele le tai e
tusa ma le 50 futu. E iai foi se vaega o le talafatai e ola ai le togatogo, ma i’a e pei o taiva, filoa, anae ma isi.
I le faatinoga o faigafaiva i le afioaga, o alii e faatinoina fagotaga maulu i le aloalo aemaise tua’au, pe a ma le 15-20 faifaiva e fagogota pe ta’i faatolu pe faalima i le vaiaso pe a lelei le tau. I fagotaga i tuaau a alii, e tele ina faaaogaina ai paopao. I fagotaga a le
itupa o tamaitai, pea ma le 10 i latou e fagotaina figota ma isi taumafa o le sami.
