You are here

Satalafai & Sapulu, Salelologa Village Fisheries Management Plan_1997

Autu

O lenei fuafuaga tatau, o le vaava’aia lea o itu lelei e toe ati’ae ai le gataifale ina ia iai ni suiga lelei e totogo ae ai mo se manuia o tagatanuu o Salelologa mo nei ma taeao. O le faamoemoe maualuga o le Malo e tauala atu i lenei polokalame, ina ia faatupula’ia atili le tamaoaiga ma fofoga taumafa mai le sami. O le isi itu taua, ia manuia ma maua le soifua maloloina o tagata o le afioaga i le lumanai. E manaomia ai tagata uma ia galulue faatasi e ati’ae le gataifale i fuafuaga lelei e puipuia le siosiomaga o le gataifale ma fuafua tatau ai le soona fagotaina o i’a ma figota. E tasi le manatu na auga uma iai finagalo faaalia o vaega eseese o le afioaga i taimi o fonotaga, lea na faailoa mai e le Komiti Faufautua mo le Va’aia lelei o i’a ma figota (KFVL). O lenei autu, ua faamatalaina atu i lalo.

"Ina ia puipuia le siosiomaga o le gataifale ma le toe faatupula’ia o i’a ma Figota mo tupulaga o le lumanai"

Na ta’ua e le Komiti (KFVL), o le Fono a Alii ma Faipule latou te faamalosia ma una’ia vaega eseese o le afioaga e galulue faatasi e puipui ma faasao alamanuia o le gataifale o Salelologa. O le Komiti o loo gafa ma le tapenaina o tulafono aemaise o fuafuaga faataatitia a le afioaga mo le faalauteleina o le malamalama i le polokalame. A maea le tapenaina o lenei fuafuaga atoa, ona tuuina atu lea i le pule mamalu a Alii ma Faipule mo le paisaina.

Category: