O le afioaga lenei o Vailoa Aleipata, e fai lava si toatele o ona tagata e faalagolago i le sami mo le tausiga o aiga, atinaeina o le afioaga aemaise o le tua iai mo faalavelave ma mea faa-le-lotu. Ua maitauina ai, le faitau aofai o tane e fagogota i le sili atu ma le tasi le o o le vaiaso, e 40, ae o tina, ua faamauina e tai toa-luasefulu i le tolusefulu tina fagogota. E le gata i lea, ae e toatele foi i latou e fagogota i le tua’au mamao o le afioaga, ma ua faitauina, e le itiiti ifo i le sefululima tagata latou te fagogota i tua’au i le tasi le aso o le vaiaso. E tele naua paopao e faaaogaina e tagata faifaiva; a le 50 e 60 paopao e fagogota i le vaiaso. Peitai e leai se alia fagtota e faafaigofie ai fagotaga a le afioaga, aemaise lava i tua’au. E fai alofa foi i isi uso-a-nuu tuaoi, ma e faatagaina ai i latou e fagogota i le aau ma le tua’au o le afioaga.
E tolu ni vaega taua o le siosiomaga mo faigafaiva a le afioaga o Vailoa, o ona togatogo, o amu, aemaise vaovao o le sami.
