O le faaitiitia o i’a ma figota i Samoa e afua mai i le anoanoai o mafuaaga eseese. O nisi o nei mafuaaga e aofia ai:
le tanumia o vaega o le gataifale mo eleele-fou (fanua)
le soona fagotaina faa-le-tatau o le gataifale e le aufaifaiva
faaaogaina o faigafaiva-le-talafeagai
ma aafiaga mai i afa malolosi (Ofa 1990, Val 1991, Heta 2004) ua tuanai.
O nei faafitauli o loo tulai mai pea i gataifale o si o tatou atunuu ma o loo avea lea ma auala e faaitiitia ai i’a ma figota. O le faaitiitia o i’a ma figota, o le lē maua foi lea e tagatanuu o porotini mai nei meaai sami.
O le Polokalame o le Faasao na amataina e le Ofisa o Faigafaiva i le tausaga e 1995. I le amataga mai la o lenei polokalame sa lagolagoina malosi e le Malo o Ausetalia e tauala mai i le AusAID le faa-tupeina mo le 5 tausaga seia oo mai i le tausaga e 2000 ma faamuta ai loa lana fesoasoani. I lea lava tausaga, sa tauaveina mai ai loa e le Malo o Samoa le faatupeina o lenei polokalame taua. O le talitonuga ma le faamoemoe autu o le tele o nei afioaga o le a silasila lea i le lumanai manuia mo tagata lautele o le afioaga aemaise ai o tupulaga lalovaoa.
O le polokalame o le faasao e galulue soosoo-tauau ai le ofisa ma afioaga taitasi i nisi o fuafuaga faataatitia auā se lumanai manuia aemaise o le toe faa-tamaoaigaina o le gataifale. I le amataina o lenei polokalame e faatinoina ai ni faatalatalanoaga ma vaega eseese ole nuu, e pei o le vaega a matai, tina ma aumaga. O nei fefaasoaaiga e faailoa mai ai faafitauli o loo faafeagai ma le gataifale o le afioaga. E talanoaina foi aafiaga ma mafuaaga o nei faafitauli ma soalaupule ai ni fofo. Sa soalaupuleina loa e Alii ma Faipule, tagatanuu o le afioaga ma le ofisa nisi o fuafuaga faataatitia e foia ai nei faafitauli. O se faataitaiga o se fuafuaga faataatia a le afioaga i lenei polokalame o le faia lea o se ogasami faasao e faasa ona solia, kolosiina pe fagotaina foi.
O lenei polokalame e taua tele mo le lumanai manuia o Samoa ma ona tagatanuu. O le faaleleia o le siosiomaga ma le faatuputupulaia o le tamaoaiga o le gataifale o se faamoemoe e talitonu e mafai ona faatinoina i o tatou lava lima. E faa-tauaina tele le lagolagosua a le Pule ma le Faamalumaluga a Alii ma Faipule o afioaga i lenei polokalame.
O le afioaga o Apai e i le itu i Sisifo o le motuo Manono ma o lona faitauaofai e pea ma le 200-300 e aofia ai Matai, Tina ma Tamaitai, Aumaga ma alo ma fanau. E le o aofia ai i latou ua faimalaga atu i atunuu i fafo ma aumau ai.
O Apai e iai lona aau e maua le 1600mita lona umi, ma o le mamao o le a’au mai le matafaga e pea ma le 350-400 mita. O le vaega pito loloto o le aloalo pe a pe le tai e tusa ma le 4 mita i le taimi nei. Ae peitai ae le’i afaina i afā malolosi o Ofa ma Valelia o vaega pito loloto o le sami na o’o atu i le 8 mita.
E tele ituaiga faigafaiva e mafai ona faatinoina i le aloalo o le afio’aga o Apai. O nisi o nei ituaiga faigafaiva e i ai matatao, ma le faaaogaina o upega (e tele ina faatinoina e alii) mo le fofoga taumafa a le aiga pe faatau foi. O le aoina ma le eliina o figota i luga o leaau o le faiva patino lava lea a tina ma le fanau mo taumafa a le aiga. O le faatinoina o faigafaiva le talafeagai e i ai fanaia ma ‘ava niukini ua matua faasaina lava i lalo o le pulega mamalu a Alii ma Faipule e tusa ai ma tulafono a le afioaga ua faamamaluina.
|
FAAMATALAGA
|
AOFAIGA
|
|
O le faitau aofai o tane faifaiva e fagogota i le sili atu ma le tasi le aso i le vaiaso
|
15-20 |
|
O le faitau aofai o tina e fagogota i le sili atu ma le tasi le aso i le vaiaso
|
0-5 |
|
O le aofaiga o tagata e fagogota i tuaau mai le tasi le aso i le vaiaso
|
6-10 |
| O le aofaiga o paopao e faaaogaina mo faigafaiva | 6-20 |
| O le aofaiga o alia fagota o loo faaoga mo faigafaiva | 1 |
|
O le faatagaina o tagata mai i isi afioaga e fagogota i lo outou gataifale
|
LEAI |
| ITUAIGA I’A/FIGOTA | ITUAIGA FAIGAFAIVA | TAIMI ALU : 1 x TAU I’A (10 I’A) / OFU | |
| TAIMI NEI | 10 TAUSAGA TUANA’I | ||
|
Ia maua soo se 5:
1 Poge
2 Malauli
3 Alogo
4 Fuga
5 Mataeleele
Figota maua soo se 3:
1 Faisua
2 Aliao
3 Gau
|
upega
mata
Mata, lama & matatao
Mata/lama
Lama & upega
Lama & tuisea
lama
tofu
|
2-4 itula
3-4 itula
3-4 itula
3-4 itula
3-4 itula
3-4 itula
3-4 itula
3-4 itula
|
Le atoa se itula
Le atoa se itula
Le atoa se itula
Le atoa se itula
Le atoa se itula
Le atoa se itula
Le atoa se itula
Le atoa se itula
|
Faamaumauga i vaega taua o le siosiomaga o le sami mo le faaleleia atili o le tamaoaiga o le gataifale:
|
VAEGA TAUA
|
TAIMI NEI
|
10 TAUSAGA TUANA’I
|
|
1 Amu (Amuamu ola)
|
100-200
|
<700
|
|
2 Vaovao / Limu o le sami
|
<700
|
Leai se vaovao
|
O lenei tapenaga sa saunia lava e tagata o le afioaga o Apai faatasi ai ma ni fautuaga auiliili ma le lagolagosua a le Ofisa o Faigafaiva. O se otootoga lenei o le tapenaga o le pulega o le siosiomaga o le gataifale ma le vaaia lelei o i’a ma figota.
