FAAMATALAGA E UIGA I LE AFIO’AGA
Faamatalaga o Foliga Va’aia Faanatura o le Afio’aga
| Faamatalaga | Aofa’iga |
| O le faitau aofai o tagata o lenei alalafaga | 670 |
| O le umi o le a’au o le afio’aga | 2 maila |
| O le mamao o le a’au mai le matafaga | ¼ maila |
| O le loloto (futu) o vaega e aupito sili ona loloto o le aloalo pe a pe le tai i le taimi nei | 6 futu |
| O le loloto (futu) o vaega e aupito sili ona loloto o le aloalo pe a pe le tai i taimi ao lei afaina i afa | 12 futu |
FAIGAFAIVA
| Faamatalaga | Aofa’iga |
|
O le faitau aofai o tamaloloa faifaiva e fagogota i le sili atu ma le tasi le aso i le vaiaso
|
20 |
| O le faitau aofai o fafine faifaiva e fagogota i le sili ma le tasi le aso i le vaiaso | 15 |
| O le aofaiga o tagata e fagogota i tua’au mai le tasi le aso i le vaiaso | 10 |
| O le aofa’iga o paopao e faaaogaina mo faigafaiva i totonu o le afio’aga nei | Leai |
| O le aofa’iga o alia fagota o loo faaaoga mo faigafaiva a le afio’aga nei | 1 |
| E faatagaina ni tagata fagogota mai nisi alalafaga e fagogota i lo outou gataifale? | Leai |
|
Ituaiga I’a/ Figota
|
Ituaiga Faigafaiva
|
Taimi faaalu mo le tasi taui’a/ 10 i’a/ ofu (Hrs)
|
|
|
Taimi Nei
|
10 Tausaga ua te’a
|
||
|
I’a maua soo se 5
|
|||
|
1. Pone
|
Lama
|
7 itula
|
½ itula
|
|
2. Alogo
|
Upega
|
7 itula
|
½ itula
|
|
3. Fuga
|
Uaua
|
7 itula
|
½ itula
|
|
4. Malau
|
Upega
|
7 itula
|
½ itula
|
|
5. Gatala
|
Upega
|
7 itula
|
½ itula
|
|
Figota maua soo se 3
|
|||
|
1. Pipi
|
Eli
|
1 itula
|
30 minute
|
|
2. Aliao
|
Lama
|
1 itula
|
30 minute
|
|
3. Alili
|
Lama moli
|
1 itula
|
30 minute
|
VAEGA TAUA O LE SIOSIOMAGA MO FAIGAFAIVA
| Vaega | Vaega taua (sikuea mita) | |
| Taimi Nei | Sefulu tausaga ua te’a | |
| Togatogo | Leai ni togatogo | ¾ sikuea eka |
| Amu | 3 – 5 sikuea eka | 10 sikuea eka |
| Vaovao o le Sami | 3 – 5 sikuea eka | 10 sikuea eka |
TULAFONO FAALE-NUU I ASO UA MAVAE & ASO NEI
O le tele o tulafono i aso ua mavae o loo faaauau ona faaaogaina pea i aso nei i Vaisala. O nei tulafono e iai fanai’a, ava niukini, vailaau oona, ma isi o faigafaiva e le talafeagai.
O nei tulafono sa fofogaina lava i totonu o lenei afio’aga ma o loo faamamaluina ma amana’iaina e pei ona sa iai i le taimi muamua faatoa faamamaluina ai i totonu o le afio’aga o Vaisala. Ae peitai e le o mamalu i nei vaitaimi ona o le le amanaiai
na e isi afio’aga tuaoi o tulafono a Vaisala.
O mafua’aga e pei ona ta’ua e aofia ai:
Leai o se faamalosiaga e le Malo.
O nisi o tagata o loo manatu mo le taimi nei ae le o tagai i le taimi o i luma faapea foi ma le lumanai manuia o tupulaga.
O nei mafua’aga uma o loo aafia i le Fuafuaga mo le Pulega o le Siosiomaga o le Gataifale ma le Va’aia Lelei o i’a ma figota.
O LENEI FUAFUAGA TATAU
E le gafatia na o le malosi faaletulafono a le Malo ona malu puipuia ai le siosiomaga o le gataifale ma ona tamaoaiga. E utiuti tulaga tau tupe ma toagaogao foi le aufaigaluega a le Malo latou te faamalosia ma una’ia tulafono tau faigafaiva i nuu taitasi o Samoa. O le fofo talafeagai o loo i aao o tagata o loo soifua ma alaala i le afio’aga faatasi ai ma le faamalumaluga a Fono a Alii ma Faipule.
O lenei tali, o le a le pine ona una’ia tagata la tou te galulue faatasi ina ia malu puipuia ma faaleleia le siosiomaga ole gataifale ma ona tamaoaiga mo nei ma tupulaga o le lumanai.
Autu
O lenei fuafuaga ua taua ai ni faatinoga e manaomia ina ia maua ai sona taunuuga maumaututu.
O le faamoemoe maualuga o le Malo ina ia faaleleia le soifua manuia o tagata o le afio’aga, ma ia faatupula’ia atili mea fofoga taumafa mai le sami. O lea e manaomia ai tagata uma ina ia avea nei faatinoga e puipuia ai le siosiomaga o le gataifale ma ia fuafua tatau ai le fagotaina o i’a ma figota.
O nei fuafuaga na faataatia e le Komiti Faufautua o le Va’aia Lelei o i’a ma figota (KFVL) o le afio’aga le autu: "Ina ia puipuia le siosiomaga o le Gataifale ma le toe faatupula’ia o i’a ma Figota mo Tupulaga o le Lumanai."
Ua ioeina e le fonotaga a le Komiti (KFVL) i le Aso 22 o Iuni 2000, o le Fono a Alii ma Faipule latou te faamalosia ma una’ia vaega eseese uma o le afio’aga aua le puipuia ma le faasaoina o ainae ma alamanuia o le gataifale o Vaisala. O le komiti o loo gafa ma le tapenaga o tulafono aemaise o vaega uma e tatau mo le fuafuaga tatau.
O lenei fuafuaga ua faamoemoe ina ia oo atu i le tolu tausaga poo le sili atu foi, o loo faaaogaina pea, ae peitai, afai ae iai se suiga ua ao loa ona toe suesueina lenei fuafuaga.
FUAFUAGA FAATAATITIA
O fuafuaga faataatitia o ni gaoioiga ua faamoemoe e faaono foia ai faafitauli ua faaalia ma faailoa mai e vaega eseese o le afio’aga. E lua ituaiga o fuafuaga faataatitia, ma o le fuafuaga ua aupito sili ona taua, o fuafuaga faataatitia lea ua faaagaaga mo nuu poo afio’aga. O le isi o fuafuaga faataatitia, ua faamoemoe lea mo le Ofisa o Faigafaiva, ma o lenei fuafuaga, o le a tuuina atu ai fautuaga ma fesoasoani aua le tapueina o le faamoemoe e pei ona fuafuaina. O gaoioiga uma lava ua faamoemoe e faatino ai fuafuaga faataatitia mo le Ofisa o Faigafaiva, e ao ona faamaonia e le Faatonu Lagolago o Faigafaiva.
O nei fuafuaga faataatitia uma ua faamoemoe lo latou faataunuuina i le lagolagosua mai a le afioaga ma ona tagatanuu. O fuafuaga faataatitia uma o le a leai se aafiaga tuusao a le Ofisa o Faigafaiva. Ua iai le faamoemoe, o le a faaauau pe a ona tuuina atu ni fesoasoani i le afioaga e ala atu i pepa o faamatalaga atoa ai ma le faia o ni tautalaga i vaega eseese e pei o aoga ma faalapotopotoga faale-Ekalesia.
Na faavae ma pasiaina e le fono i le aso 22 o Iuni 2000 ni tulafono e aiaia ai nisi o mataupu e pei ona taua i lalo:
O faigafaiva le talafeagai
Faaitiitia faigafaiva i le aloalo
Faatafunaina o le gataifale
Tulafono e puipuia ai le suauu e masaa i le gataifale
Nisi o vaega faasaoina e pei o ogasami faasaoina, faafaatoagaina o i’a ma figota i le vai ma le sami
Atinae talosagaina e le afioaga
